307 милиони евра за Република Македонија

Скопје, 13^ти март

На Донаторска конференција во Брисел, на која учествуваа 38 земји и 19 меѓународни организации, Република Македонија доби 307 милиони евра.

Донаторите на Конференцијата се фокусираа на три приоритетни области за поддршка на Македонија. Тоа се макроекономската помош, за која се одобрени 173 милиони евра, реконструкцијата на областите погодени во конфликтот, област за која се доделени 85 милиони и финансирањето на мерките кои треба да се преземат за имплементација на Рамковниот договор, за што се одобрени 49 милиони евра.