Со средства од холандската влада и од Одделот за меѓународна соработка на владата на Велика Британија, УНИЦЕФ опремува и е во процес на дистрибуција на мебел за основните училишта во регионите опфатени со кризата, како и за училиштата кои имаат потреба од тоа.

Досега дистрибуцијата е завршена во училиштата во Коњаре, Шемшево, Грушино, Опае, Лопате, Липково, Шипковица, Бродец, Љубанци, Љуботен и училиштата во Скопје: “Партение Зографски”, “Лириа” и “25 Мај”.

Со дистрибуцијата ќе бидат опремени 145 основни училишта со 9.200 столчиња, 4.300 клупи, 380 табли за пишување и 360 печки.