|
|
 |
Заврши дистрибуцијата на градежен материјал
Скопје, 10 декември
Македонскиот центар за меѓународна соработка на 7 декември заврши со дистрибуцијата
на градежен материјал за поправка на оштетните куќи во кризните региони.
Така на 6 – 7 декември се дистрибуирани последните пратки со градежен
материјал за селата Радуша и Отља.
Во период од три месеци МЦМС успеа да дистрибуира помош во градежен материјал
за 650 куќи од прва и втора категорија, или вкупно се помогнати околу
3000 лица. Во Брњарци е дистрибуиран материјал за 13 куќи од прва категорија,
во Лопате за 18 куќи (1 категорија), Матејче за 172 (1 категорија), во
тетовските села Беловиште, Рогачево и Пршовце за шест куќи (1 и 2 категорија),
во Битола за 13 од прва и една од втора категорија, во Отља за 103 куќи
од прва, 52 од втора и 6 од трета категорија, за Радуша 226 куќи од прва
и 57 од втора категорија.
Во текот на овие дена се очекува да завршат работите околу поправката
на училиштата во Матејче и Радуша.
|
