|
|
 |
Европската унија ќе ја започне реконструкцијата
на куќи во општина Теарце
Скопје, 24 септември
Европската Унија најавила започнување на поправките
на оштетените куќи во општина Теарце, вклучително селата Теарце и Лешок.
Фокусот би бил на куќите со категорија на оштетеност од 1-3 (мали и неструктурни
оштетувања), но можно е да се почне и со реконструкција на куќи од категорија
4. Екипа за проценка веќе ги посетила локациите во петокот, 21 септември
2001 година, а се очекувало работите да започнат оваа недела. Акцијата
потоа би продолжила и на околните села: Непроштено, Слатина, Џепчиште,
Порој, итн.
Инаку, ЕУ прво ги поставила информативните табли за реконструкција во
Лешок и Теарце, а дури потоа бил информиран УНХЦР, кој ги координира активностите
за реконструкција, што претставувало изненадување за повеќето странски
агенции.
|
